Qoʻshimcha funksionallar
-
Tungi ko‘rinish
«Buyuk ipak yo‘li» metro bekatiga nogironligi bor shaxslar uchun elektron ko‘targichlar o‘rnatilmoqda
Transport vazirligi yil oxirigacha bu turdagi ko‘targichlar yana 16 ta metro bekatiga o‘rnatilishini ma’lum qildi.
Foto: Videodan kadr
Toshkent metropolitenining «Buyuk ipak yo‘li» bekatida nogironligi bor shaxslar uchun elektron ko‘targichlar o‘rnatilmoqda, deb xabar qildi Transport vazirligi matbuot xizmati.
Qayd etilishicha, ilgari shunga o‘xshash ko‘targichlar «Xalqlar do‘stligi» bekatida paydo bo‘lgan. Yil oxirigacha ular yana 16 ta metro bekatiga o‘rnatiladi.
Shuningdek, vazirlikning ma’lum qilishicha, 2025 yil 31 martda «Mustaqillik maydoni» bekatida yangi eskalator ishga tushirilgan. «Paxtakor» va «Hamid Olimjon» bekatlarida eskalator o‘rnatish ishlari yakunlanmoqda.
Bundan tashqari, «Buyuk ipak yo‘li»da sanitariya xonalar ochilgan. Joriy yilda yana sakkizta bekatda shunday xonalar ochiladi, «Amir Temur xiyoboni», «Paxtakor» va «Beruniy»da ham bu boradagi ishlar yakuniy bosqichda.
Avvalroq Toshkent metrosining Yunusobod yo‘nalishida FacePay orqali to‘lov tizimi ishga tushirilgani to‘g‘risida xabar berilgandi. Transport vazirligi yaqin orada ushbu tizim barcha metro bekatlarida joriy etilishini ma’lum qilgan.
