Kosta-Rika sobiq prezidentining Amerika vizasi bekor qilindi

AQSh hukumati Kosta-Rika sobiq prezidenti va tinchlik bo‘yicha Nobel mukofoti laureati Oskar Arias Sanchesning vizasini bekor qildi, deb yozmoqda Nacion gazetasi.

Ariasning so‘zlariga ko‘ra, Amerika hukumati vizaning bekor qilinish sababini ko‘rsatmagan. Shu munosabat bilan sobiq prezident Donald Tramp ma’muriyati avtokratik xususiyatlarga ega ekanini ta’kidladi.

Ariasning qayd etishicha, Vashington taniqli chet elliklarga jazo sifatida vizalarni bekor qilish amaliyotini tez-tez qo‘llay boshlagan. Fevral oyida Kosta-Rika sobiq prezidenti Tramp tomonidan olib borilayotgan siyosatni keskin qoralagan edi.

Arias 1986-1990 va 2006-2010 yillarda Kosta-Rika prezidenti bo‘lgan. 1987 yilda u Markaziy Amerikadagi tinchlikparvarlik faoliyati uchun tinchlik bo‘yicha Nobel mukofotiga munosib ko‘rilgan.

84 yoshli sobiq prezidentning so‘zlariga ko‘ra, AQSh rasmiylarining bu kabi qarori uning ikkinchi prezidentlik muddati davrida Xitoy bilan yaqindan aloqa o‘rnatishga uringani bilan bog‘liq bo‘lishi mumkin. Ariasning fikricha, vizaning bekor qilinishi bo‘yicha qarorni Tramp emas, AQSh Davlat departamenti qabul qilgan.