Shavkat Mirziyoyev va Yevropa Ittifoqi yetakchilari birgalikda daraxt ekdi

Oliy darajadagi O‘zbekiston-Yevropa muzokaralari yakunida birgalikda daraxt ekish marosimi bo‘lib o‘tdi.

Prezident Shavkat Mirziyoyev, Yevropa kengashi prezidenti Antoniu Koshta va Yevropa komissiyasi prezidenti Ursula fon der Lyayyen Samarqand shahridagi Kongress markazi xiyobonida ikki tup eman ekdi.

Ta’kidlanishicha, ko‘chat ekish marosimi O‘zbekiston va Yevropa Ittifoqi o‘rtasida do‘stlik, ko‘p qirrali hamkorlik va sheriklik munosabatlari tobora mustahkamlanib borayotganining yana bir ramzi bo‘ldi.

Shuningdek, Shavkat Mirziyoyev, Antoniu Koshta va Ursula fon der Lyayyen Samarqand Xalqaro turizm markazidagi «Boqiy shahar» tarixiy-etnografik majmuasini tomosha qildi.

Mehmonlarga o‘zbek xalqining badiiy, hunarmandlik va musiqiy madaniyati namoyish etildi.

#Shavkat Mirziyoyev #Ursula fon der Lyayyen #Antoniu Koshta