Bellissimo Pizza dunyodagi eng yaxshi 5 pitssa brendidan biri deb topildi

Bu haqda Las Vegas shahrida bo‘lib o‘tgan nufuzli xalqaro gastronomik va restoran sanoati anjumanida e’lon qilindi. Bellissimo — dunyo bo‘ylab pitssa sanoatini shakllantirayotgan, uning qiyofasiga ta’sir o‘tkazayotgan brendlar qatorida ko‘rsatildi.

Reyting to‘rtta asosiy mezon bo‘yicha tuzilgan:

· biznes o‘sish sur’ati,

· texnologik yechimlar,

· menyudagi innovatsiyalar,

· operatsion samaradorlik.

Bu natija nafaqat Bellissimo uchun, balki butun O‘zbekiston restoran sanoati uchun tarixiy yutuq hisoblanadi. Chunki ushbu brend reytingda mintaqaviy emas, balki dunyo darajasida, jahon pitssa bozorining yetakchi beshtaligi ichida qayd etildi.

Bellissimo Pizza bu natijaga tasodifan erishgani yo‘q — bu izchil rivojlanish, mahalliy ta’mni innovatsion yondashuv bilan uyg‘unlashtirish va mijoz ehtiyojlarini chuqur tushunish orqali amalga oshgan strategiya natijasidir.

Kompaniyaning menyusida nafaqat xalqaro pitssa klassikalari, balki mahalliy talablarga mos, O‘zbekiston bozorida yaqin qabul qilinadigan yondashuvlar ham o‘z ifodasini topgan. Mazkur uslub tez orada mamlakat tashqarisida ham namoyon bo‘ladi — Bellissimo Pizza Qozog‘istonda ham o‘z filialini ochish arafasida.

Ayni paytda Bellissimo logotipidagi yurak belgisi va shiordagi “tabassum bilan” so‘zlari nafaqat Toshkentda, balki dunyo miqyosidagi restoran sanoati maydonida ham yangramoqda.

Bu voqelik — O‘zbekistonda yaratilgan ta’m dunyo bozorida munosib o‘rin egallashi mumkinligini yana bir bor isbotlaydi.

Reklama huquqi asosida