Ikki g‘ildirakli haydovchisiz Cyclotron elektromobili

Kanadalik muhandis-mexanik va  Bombardier kompaniyasining rahbari Charlz Bombarde o‘zining haydovchisiz elektron avtomobil kontseptini tuzdi. U  «Taxt» filmidagi Tron Light Cycle hamda o‘zini muvozanatda tutib tura oladigan  Lit Motors'ning ikki g‘ildirakli  C1 elektromobilidan ilhom oldi va unga Cyclotron deb nom berdi. Kanadaliklarning loyihasi vertikal barqarorlik kontseptini ko‘taruvchi giroskop tizimiga asoslanadi. Noyob moslamali g‘ildirak mashinaning ikki yo‘nalishda harakat qiluvchi qobiliyatiga javob beradi. Elektrodvigatel ikkala g‘ildirakni qishda yaxshi harakatlanishi uchun yordam beradi. Energiyani tejash uchun to‘liq drayv rejimini o‘chirish ko‘zda tutilgan. Cyclotron simsiz yo‘l bilan quvvat oladi.

Elektrokar ikkita yo‘lovchiga mo‘ljallangan. Ular uchun kabinada isitish tizimili ikkita sozlanuvchi o‘rindiq, shovqin kamaytiruvchi tizim va kishilarga mustaqil tarzda borish kerak bo‘lgan hududni belgilashga yordam beruvchi haydovchisiz texnologiya mavjud. Kapalak qanotini yodga soluvchi eshiklar tepaga ochiladi. Muhandis shu tariqa parkovka vaqti joylarni tejashni va qo‘shni mashinalardagi qo‘pol yo‘lovchilarning mashinadan tushayotganda yoki chiqayotganda tasodifiy zarar yetkazish holatini kamaytirishni maqsad qilgan. Bundan tashqari, ikki kishilik Cyclotron mototsiklining kichik hajmda ekanligi yo‘llardagi tiqilinch holatlarni oldini olishga xizmat qiladi.