WikiLeaks informatori turmadagi ochlikni to‘xtatdi

Maxfiy axborotni bergani uchun 35 yillik qamoq jazosini o‘tayotgan WikiLeaks informatori Chelsi Menning (asl ismi Bredli Menning) ochlikni to‘xtatdi, deb xabar bermoqda Reuters axborot agentligi. 

Ta'kidlanishicha, AQSh hukumati Menningga jinsni o‘zgartirish maqsadida gormonal terapiya o‘tkazish uchun zarur bo‘lgan dori vositalarini berishga rozi bo‘ldi.

Bundan tashqari, Menningga ruhshunos tavsiyasi bo‘yicha jarrohlik operatsiyasi o‘tkazishga ruxsat berildi.

Avvalroq sobiq amerikalik harbiy bo‘lgan, o‘z jinsini o‘zgartirish va uni ayollarga xos Chelsi nomi bilan chaqirishlarini istayotgan Bredli Menning unga jinsini o‘zgartirish uchun tegishli tibbiy parvarish ko‘rsatish rad etilayotgani sababli ochlik e'lon qilgandi.