Tesla S xavfsizlik tizimidagi kamchiliklarni to‘g‘irladi

Xitoyning Keen Security Lab xavfsizlik ekspertlari Tesla S'ning ba'zi funksiyalariga masofadan kirish imkoniga ega bo‘lganidan keyin kompaniya "xatolar ustida ishladi".

Kompaniyada xavfsizlik tizimidagi kamchiliklar bartaraf qilinganini ma'lum qilindi. Bu haqida Reuters agentligi xabar berdi. Mijozlar yangilangan xavfsizlik tizimini "havo orqali" qabul qilishadi, bu ularni servis markazlariga borishdan xalos etadi. 

O‘tgan haftada kompaniya rahbari Ilon Mask o‘zining rasmiy tvitterida mijozlar 21 sentabrga qadar Tesla avtopiloti uchun dasturiy ta'minotning eng yangi versiyasini olishi kerakligini ta'kidladi. Bu haqida ma'lum qilgan Ilon Mask ehtiyotkorlik bilan qo‘shimcha qildi: "Agar so‘nggi daqiqalarda qandaydir muammolar yuzaga kelmasa, bu albatta amalga oshadi".