XXR THAAD tizimlarini Koreya yarimoroliga joylashtirmaslikka chaqirmoqda

Xitoy rahbariyati AQSh va Janubiy Koreyani mintaqa mamlakatlarining Amerikaning THAAD RQM tizimlari xususida bildirayotgan xavotirlarini jiddiy qabul qilishga va uni joylashtirish fikridan qaytishga chaqirmoqda. XXR TIV rasmiy vakili Gen Shuan shunday bayonot bergan.

Uning qayd etishicha, Koreya Respublikasida joylashtirilishi rejalashtirilayotgan THAAD RQM tizimi yarimorolning yadro qurolidan xoli bo‘lishiga, u yerda tinchlik va barqarorlikni qo‘llab-quvvatlashga yordam bermaydi. Bundan tashqari, Xitoy tashqi siyosat mahkamasi vakilining so‘zlariga ko‘ra, THAAD tizimini joylashtirish mintaqa mamlakatlarining strategik manfaatlariga ziddir. 

"Xitoy jiddiy ravishda bunga qarshi bo‘lgani bois mamlakatning milliy manfaatlarini himoya qilish va mintaqaviy strategik muvozanatni saqlash uchun zaruriy choralar ko‘radi", — deb qo‘shimcha qilgan Gen Shuan.