Qoʻshimcha funksionallar
-
Tungi ko‘rinish
Yaponiya hukumati imperatorni taxtdan mahrum qilish imkoniyatini ko‘rib chiqmoqda
Foto: AP
Yaponiya hukumati imperator Akixitoni taxtdan mahrum qilish bo‘yicha maxsus qonunni tayyorlashni rejalashtirayapti. Bu haqda, Kiodo axborot agentligi hukumatdagi manbasiga tayangan holda xabar qilmoqda.
Ma'lumotlarga ko‘ra, imperator 2018 yilgacha taxtda o‘tirishi mumkin.
Shu yilning avgust oyida 82 yoshli imperator Akixito xalqiga qilgan telemurojaatida "xrizantemali toj"dan voz kechmoqchi ekani haqida so‘z yuritgan edi. Uning aytishicha, sog‘lig‘i va yoshi bilan bog‘liq muammolar davlat va xalq birligi "timsoli" vazifasini bajarishga imkon bermayapti.
Shu munosabat bilan, Tokioda 17 oktabrdan maxsus komissiya ish boshlagan. U muammoni hal etishning turli usullarini o‘rganib chiqadi. Chunki, mamlakatning hozirgi qonunchiligida imperatorning taxtdan voz kechishiga oid bandlar mavjud emas.
Akixito 1989 yilda taxtga o‘tirgan edi. U tojni topshirsa, 56 yoshli shahzoda Naruxito taxtga chiqadi.
Mavzuga oid
20:48 / 22.04.2025
Yaponiya narxlar oshishi fonida Janubiy Koreyadan guruch import qilishni boshladi
22:43 / 15.04.2025
Yaponiya aholisi yarim million kishiga qisqardi
00:20 / 12.04.2025
3D-printer yordamida bosilgan temiryo‘l stansiyasi olti soat ichida qurildi
23:08 / 11.04.2025