Yaponiyada Pokemon Go o‘ynab YTHni sodir etgan haydovchi sudlandi

Yaponiyada Pokemon Go o‘ynab ikki ayolni urib ketgan haydovchiga qamoq jazosi tayinlandi, deb xabar qilmoqda TASS agentligi.

Qayd etilishicha, Tokusima okrug sudi haydovchiga bir yil-u ikki oylik qamoq jazosi tayinlagan. Shu bilan, u Pokemon Go o‘yini sabab sodir bo‘lgan YTH bo‘yicha javobgarlikka tortilgan ilk fuqaro bo‘ldi.

Voqea avgust oyida yuz bergan edi. O‘shanda, 39-yoshli mikroavtobus haydovchisi yo‘lni kesib o‘tayotgan ikki ayolni urib ketgan, ulardan biri keyinroq hayotdan ko‘z yumgan edi. Bu voqea dunyoga mashhur o‘yin bilan bog‘liq birinchi o‘lim holati bo‘lgan edi.