Kanada Rossiyaga qarshi sanksiyalarni saqlab qolishga chaqirmoqda

Kanada tashqi ishlar vaziri Stefan Dion Rossiyaga qarshi sanksiyalar joriy qilgan barcha mamlakatlarni o‘z qarorlarida qat'iy turishga chaqirdi, deb xabar qilmoqda Reuters.

Uning so‘zlariga ko‘ra, Moskva Ukraina bo‘yicha o‘z qarashini o‘zgartirmas ekan, sanksiyalar saqlanishi lozim. 

«Rossiyaning Ukraina va Suriyadagi siyosati, yumshoq aytganda, muammolidir. Shu boisdan ham, Rossiya bilan munosabatlarimizda juda ochiq bo‘lishimiz kerak. Ukraina masalasida sanksiyalar amalda, shu bois Kanada barcha mamlakatlar bu masalaga qat'iy yondashishi lozimligini uqdiradi», — degan Dion.