Los-Anjyelesda yangi Porsche 911 RSR debyut qiladi

Germaniyaning Porsche kompaniyasi Los-Anjyeles avtoko‘rgazmasiga ikkita yangi «Panamera»dan tashqari 911 RSR poyga modelining yangi avlodini olib kelgan. Bugun, tarmoqda jangovar 911ning tizeri paydo bo‘ldi. U chidamlilik bo‘yicha jahon chempionati – WEC’da ishtirok etishi mumkin.

Hozircha, Porsche tayyorlanayotgan ikki eshikli modeli haqida deyarli hech narsani oshkor qilmagan. Albatta, uning prototipi bahor oylaridayoq namoyish etilgandi. Biroq, o‘shanda ham texnik tafsilotlari sirligicha qolgan edi. 

Mazkur avtomobil nafaqat WEC, balki IMSA WeatherTech SportsCar Championship, «Le-Mahn» birinchiligining Yevropa va Osiyo poygalarida qatnashadi. U 2017 yil yanvarida «Daytona 24 hour» marafonida ilk bor o‘z kuchini sinab ko‘radi.