Samsung Galaxy Note 7 telefonlarini majburan bloklaydi
Janubiy Koreyaning Samsung kompaniyasi muomalada qolgan barcha Galaxy Note 7 telefonlarini majburan bloklashni amalga oshiradi. Bu haqda NBC telekanali korporatsiya matbuot-xizmatiga tayangan holda xabar qilmoqda.
19 dekabr kuni ushbu smartfon dasturiy ta'minotining yangi namunasi chiqadi. U telefon batareyalarining quvvat olish imkoniyatini ishdan chiqaradi hamda gadjyetlarning mobil tarmoqlar va simsiz internetga ulanish qobiliyatini bloklaydi.
Ishlab chiqaruvchiga ko‘ra, foydalanuvchilar xarid qilgan Note 7 smartfonlarining 93 foizini qaytarib bergan, biroq iste'molchilar ixtiyorida qolayotgan 7 foiz qurilmalar ham jiddiy xavf soladi.
Model 2016 yil avgustida sotuvga chiqarilgan edi. Korporatsiya, ikki oydan so‘ng, telefonlarning o‘z-o‘zidan yonib ketish hollari ko‘paygani sababli, dastlab savdolarni to‘xtatgan, so‘ngra ishlab chiqarishga ham barham bergan edi. Hozircha, telefon batareyasining nima sababdan alanga olayotgani aniqlangani yo‘q.
Mavzuga oid
01:17 / 02.10.2024
Janubiy Koreya KXDRning yer osti bunkerlarini ham yakson etishga qodir eng kuchli raketasini namoyish etdi
14:20 / 27.09.2024
Janubiy Koreyada itlarni go‘shti uchun boqishdan bosh tortgan fermerlarga pul to‘lanadi
21:57 / 26.09.2024
Samsung xodimlari radiatsiyaga uchragani tufayli kompaniya jarimaga tortildi
22:24 / 19.09.2024