Amerikalik Excel jadvali tubiga yetib borish uchun to‘qqiz soat sarfladi

Amerikalik videobloger Xanter Xobbs o‘z oldiga Microsoft Office Excel jadvali tubiga yetish maqsadini qo‘ydi. U klaviaturadagi “pastga” tugmachasini bosish orqali bu masalani hal qilmoqchi bo‘ldi.

Aniqlanishicha, Excel jadvali 1 million 48 ming 576 qatordan iborat ekan. Blogerga buni bilish uchun to‘qqiz yarim soat vaqt talab etildi.

Uning so‘zlariga ko‘ra, "Excel tajriba" — "barcha davrlarning eng telba chaqirig‘idir", biroq buni amalga oshirish oson bo‘lmagan, sababi so‘nggi qatorga qadar tugmadan barmoqni uzmagan holda yetib borish kerak bo‘lgan.