Tailandlik amaldor Yaponiyadagi mehmonxonadan uch san'at asarini o‘g‘irladi

Yaponiyadagi mehmonxonalardan biridan uch san'at asarini o‘g‘irlaganligida ayblanayotgan tay amaldori Tailand savdo vazirligi tomonidan advokat va tarjimon bilan ta'minlanadi. Bu haqida Daily Sabah nashri ma'lum qildi. 

Kioto politsiyasining xabar berishicha, seshanba kuni Suphat Sakuanikulning avtomobili yukxonasidan tasviriy san'at asarlari topilgan. Mehmonxona xodimlari kuzatuv kamerasidan devordan rasmlarni olayotgan kishini ko‘rib, politsiyaga shu haqida xabar berishgan. 

Uch asar umumiy qiymati 15 000 iyena (130 dollar)ga baholanadi.

Politsiyaning ma'lum qilishicha, intellektual mulk departamenti bosh direktor o‘rinbosari suratlarni yoqtirib qolgani uchun ularni olganini tasdiqlagan.