OAV: «Gazprom» O‘zbekistondan gaz xarid qilish bo‘yicha shartnomani uzaytirishni rejalashtirmoqda
Rossiyaning «Gazprom» kompaniyasi O‘zbekistondan gaz xarid qilish shartnomasini uzaytirishni rejalashtirmoqda. Bu haqda «Layf» nashri xabar berdi.
Nashr ma'lumotiga ko‘ra, shartnoma O‘zbekiston Prezidenti Shavkat Mirziyoyevning Rossiyaga tashrifi davomida imzolanishi mumkin.
Shavkat Mirziyoyev Rossiyaga 2017 yilning mart-aprel oylarida tashrif buyurishni rejalashtirmoqda. Bu haqda Rossiya prezidenti matbuot kotibi Dmitriy Peskov xabar berdi.
Tashrif davomida O‘zbekiston va Rossiya Federatsiyasi turizm, sog‘liqni saqlash, ta'lim, tibbiyot, kimyo, harbiy-texnik hamkorlik, muhojirlik siyosati, shuningdek, energetika sohalaridagi bir qator kelishuvlarni imzolashadi, deb xabar berdi «Layf».
Muzokaralarda aynan energetik kelishuvlar, xususan, O‘zbekiston bilan gaz xaridi to‘g‘risidagi shartnomani cho‘zdirish masalasi markaziy mavzulardan biriga aylanadi, deb yozgan nashr.
«Gazprom» kompaniyasidagi manbaning «Layf»ga xabar berishicha, gaz yetkazib berish bo‘yicha yangi shartnoma kamida 2022 yilga qadar amal qiladi. Manbaning qo‘shimcha qilishicha, tomonlar hozircha yetkazib berish hajmi bo‘yicha muzokaralar olib bormoqda.
Mavzuga oid
23:53 / 30.09.2024
Ozarboyjonda o‘zbekistonlik harbiylar ishtirokida «Mahorat-2024» qo‘mondonlik-shtab o‘quvlari boshlandi
07:30 / 30.09.2024
«Gazprom neft» O‘zbekistonda yonilg‘i quyish shoxobchalari tarmog‘ini qurishi mumkin
21:08 / 26.09.2024
«Gazprom» Rossiyaning serdaromad kompaniyalari ro‘yxatidan tushib ketdi
19:53 / 16.09.2024