Yunker: YeI va Ukraina viza tartibi yozgacha liberallashtiriladi

Yevropa Ittifoqi va Ukraina o‘rtasidagi viza tartibining liberallashuvi (vizasiz bordi-keldi yo‘lga qo‘yilishi) 2017 yil yoziga qadar kuchga kiradi. Bu haqda Yevrokomissiya rahbari Jan-Klod Yunker bayonot berdi, deb xabar qilmoqda «112 Ukraina» telekanali.

«Biz vizani liberallashtirish masalasini muhokama qildik — bu yozgacha ro‘y beradi», — degan Yunker Ukraina bosh vaziri Vladimir Groysman bilan o‘tkazgan muzokaralari yakunida.

Eslatib o‘tamiz, Yunker 2016 yil noyabr oyida o‘tgan yil oxirigacha, YeI-Ukraina o‘rtasidagi viza tartibi bekor qilinishi mumkinligini aytgandi.