Yaponiyada poyezd relslardan chiqib ketdi

Yaponiyaning Ayti prefekturasida elektropoyezd relslardan chiqib ketdi, bir kishi halok bo‘ldi, deb xabar bermoqda NHK telekompaniyasi.

Andze shahridagi temir yo‘l kesishmasida poyezd yengil avtomobil bilan to‘qnashgan. Birinchi vagon relslardan chiqib ketdi: avtomobil zarba oqibatida elektr uzatish tizimi ustuniga kelib urilgan hamda yonib ketgan. Avtomobil haydovchisi halok bo‘ldi.

Elektropoyezd mashinistining ma'lum qilishicha, yo‘lda avtomobilni to‘siq pastga tushirilgandan so‘ng ko‘rgan, biroq to‘xtashga ulgurmagan.

Halokat ro‘y bergan hududda harakat to‘xtatildi. Politsiya va o‘t o‘chirish xizmati voqea sabablarini o‘rganmoqda. Temir yo‘l kompaniyasi relslardan chiqib ketgan poyezd tarkibini evakuatsiya qilish bo‘yicha ish olib bormoqda.