Hindistonda sigir tennis o‘yinida ishtirok etdi

Hindistonning Gvalior shahrida ayollar o‘rtasida ITF turkumidagi tennis musobaqasi vaqtida kortga sigir chiqib keldi. Bu haqda musobaqada birinchi tartib raqami ostida qatnashayotgan Fotima Al-Nabhoniy Instagram’dagi sahifasida xabar qilgan hamda hodisa videosini taqdim etgan.

Mukofot jamg‘armasi 15 ming dollarni tashkil etuvchi musobaqa ishtirokchi hamda tashkilotchilari noodatiy mehmonga e'tibor ham berishmadi. Jonivor sportchilar atrofida bir muddat aylanib yurgach, kortni tark etdi.

Hindistonda sigir muqaddas jonivor deb hisoblanadi, shuning uchun bu jonivorga sportchilar hamda qo‘riqlash xizmati xodimlari qo‘pollik bilan munosabatda bo‘lishmagan.