Tramp Si Tszinpinga Koreyadagi RQM tizimlari bo‘yicha qarashini bildirdi

AQSh prezidenti Donald Tramp XXR raisi Si Tszinpinga Janubiy Koreyada raketa hujumlariga qarshi mudofaa tizimlari joylashtirilishi bo‘yicha Vashington qarashini bildirdi. Yonxap agentligiga ko‘ra, Donald Tramp bu haqda Koreya respublikasi muvaqqat prezidenti Xvan Gyo An bilan telefon orqali suhbatida ma'lum qilgan. 

"Trampning aytishicha, Shimoliy Koreyaning jiddiy yadro muammolari xususida va ularga qarshi qanday yo‘l tutishga doir batafsil muzokaralar o‘tkazilgan", - deyiladi Koreya muvaqqat prezidenti devoni xabarida. "Tramp Xitoyga Koreyada Amerikaning ilg‘or raketalarga qarshi tizimlarini joylashtirish bo‘yicha qarashini bildirgan". 

Bundan tashqari, AQSh prezidenti oliy darajadagi Amerika-Xitoy uchrashuvida Janubiy Koreyaning KXDR muammosiga nisbatan yuritayotgan siyosatini qo‘llab-quvvatlashini bildirgan.