Internetda Iskandariyadagi portlash videosi paydo bo‘ldi

Foto: Reuters

Internetda Misrning Iskandariya shahridagi cherkovga kiraverishda xudkushning portlashni sodir etishining kuzatuv videokameralaridan olingan yozuvi paydo bo‘ldi. Video "Al-Arabiya" telekanali tomonidan joylashtirilgan.

Videoda bir erkak cherkovga kirmoqchi bo‘lganda eshik oldidagi politsiyachi unga metallqidirgichdan o‘tishi kerakligini aytadi. Shunda erkak metallqidirgich yoniga kelib, undan o‘tmoqchi bo‘ladi, biroq undan o‘ta olmay orqaga qaytariladi. U orqaga bir qadam tashlaganda portlash yuz beradi.

Misrning Tanta va Iskandariya shaharlaridagi cherkovlarda portlashlar 9 aprel kuni bir necha soatlik farq bilan sodir etilgan.