Toshkent shahrida bir haftada 32ta jinoyat fosh etildi

2017 yil 21-27 aprel kuniga qadar Toshkent shahar Ichki ishlar Bosh boshqarmasi sohaviy xizmatlari tomonidan olib borilgan tergov-tezkor tadbirlar natijasida 32 ta jinoyatlar issiq izidan fosh etildi. Bu haqda Toshkent IIBBda bo‘lib o‘tgan brifingda ma'lum qilindi. Bular 3ta bosqinchilik, 1ta talonchilik, 16ta o‘g‘irlik, 2ta bezorilik, 9ta firibgarlik, 1ta qasddan badanga o‘rtacha tan jarohati yetkazish jinoyatlarini tashkil etgan. Bu haqda Toshkent IIBB boshlig‘i o‘rinbosari Doniyor Toshxo‘jayev ma'lum qildi. 

Shuningdek, oy boshidan 155 nafar hamda hafta davomida 43 nafar qidiruvda bo‘lgan jinoyatchilar ushlandi.

Fuqarolar tomonidan pasport qoidalariga rioya etishlarini ta'minlash maqsadida o‘tkazilgan “pasport-viza” tadbiri davomida 2472 nafar fuqarolar vaqtinchalik ro‘yxatga turish qoidalarini buzganligi, 186 nafar uy egalari noqonuniy yashash uchun sharoit yaratib berganligi aniqlanib, barchasiga nisbatan ma'muriy ta'sir choralari ko‘rildi.