Janubiy Koreyada kran qulashi oqibatida 5 kishi halok bo‘ldi

Janubiy Koreyadagi Kodze portida ikki kran to‘qnashib ketib, ulardan biri qulagan va natijada 5 kishi halok bo‘lgan.

«Yonhap» agentligi xabariga ko‘ra, hodisa oqibatida 6 kishi jiddiy jarohatlangan, 14 kishi kichik jarohatlar olgan. Jabrlanuvchilar shifoxonaga yetkaziladi.

Hodisa Samsung Heavy Industries verfida ro‘y bergan. Kompaniya xodimining so‘zlariga ko‘ra, bu keyingi yillardagi eng yirik favqulodda hodisa bo‘ldi.

«Keyingi yillarda bizda bunday jiddiy avariya sodir bo‘lmaganadi. Birinchi galda hodisa sabablarini o‘rganamiz», — degan u.

Ayni vaqtda hodisa oqibatida jarohat olganlarga yordam ko‘rsatilmoqda. Sabablar aniqlanmagan. Halok bo‘lganlar va jabrlanganlarning shaxsiga ham aniqlik kiritilmagan.