Janubiy Qozog‘iston viloyati bilan savdo-iqtisodiy munosabatlar yanada rivojlanadi

Janubiy Qozog‘iston viloyati hokimi Janseit Tuymebavev O‘zbekistonning Jizzax viloyati hokimi Ulug‘bek Uzoqov boshchiligidagi delegatsiyasi bilan uchrashdi.

Uchrashuvda ikki viloyati ishbilarmon doiralar vakillari hamda mamlakatlarning ikki davlatdagi elchilari ishtirok etdi. Tomonlar muloqot davomida ikki tomonlama savdo-iqtisodiy hamkorlik masalalarini muhokama qilishdi.

Tuymebayevning ta'kidlashicha, ikki viloyatda ko‘plab umumiy jihatlar, katta salohiyat bor. Bundan tashqari, qo‘shni davlatga mahsulot eksporti hajmini oshirish lozim.

Shu bilan birga, tomonlar savdo-iqtisodiy va madaniy-gumanitar o‘zaro munosabatlarni rivojlantirishga yo‘naltirilgan mintaqaviy hamkorlik masalalarini ham muhokama qilishdi.

Ma'lumot uchun, o‘tgan yili O‘zbekiston Respublikasi va Janubiy Qozog‘iston viloyati o‘rtasidagi mahsulot ayirboshlash hajmi 532 mln. dollarni tashkil etdi.