Ayol alpinist Janubiy Koreyadagi eng baland binoni zabt etdi

Janubiy koreyalik ayol alpinist Kim Jyeyn hech qanday moslamalarsiz 123 qavatli osmono‘par binoni zabt etdi, deb xabar bermoqda "Ryonxap" axborot agentligi. 

28 yoshli Jyeyn Janubiy Koreyadagi 1-raqamli va dunyodagi 5-raqamli eng baland bino hisoblanuvchi Lotte World Tower’ni 2,5 soat ichida zabt etdi. Ayolning aytishicha, bu juda og‘ir bo‘lgan, biroq u jarayondan zavq olishga harakat qilgan.

Axborot agentligining ma'lum qilishicha, Jyeyn ajoyib jismoniy tayyorgarlikka ega. U 10 yildan ko‘proq vaqtdan beri turli musobaqalarda ishtirok etib keladi va jahon darajasidagi 25 ta unvon sohibasi hisoblanadi.