Meksikada avtobus daraga qulashi oqibatida 16 kishi halok bo‘ldi

Meksikaning janubidagi Chyapas shtatida avtobusning chuqurligi 100 metrcha keladigan daraga qulashi oqibatida kamida 16 kishi halok bo‘ldi, 25 kishi jarohat oldi. Bu haqda El Sol de México nashri ma'lum qildi. 

Nashr ma'lumotlariga ko‘ra, yo‘l-transport hodisasi Motosintl va Uistl munitsipalitetlari o‘rtasidagi yo‘lda yuz bergan. Politsiya ma'lumotlariga ko‘ra, avtobus yo‘lovchilari diniy sekta a'zolari bo‘lgan. Dastlabki ma'lumotlarga ko‘ra, avariya tezlik oshirilishi sababli yuz bergan.

Voqea joyida qutqaruv xizmatlari xodimlari ish olib bormoqda. Barcha jarohatlanganlar Motosintl shifoxonasiga yetkazilganlar.