Isroilda Al Jazeera telekanali yopilishi mumkin

Isroil bosh vaziri Binyamin Netanyaxuning ma'lum qilishicha, Qatarning Al Jazeera telekanali efirini Isroilda to‘sib qo‘yish va uning mamlakatdagi ofisini yopish niyatida. U bu haqda feysbukdagi sahifasida yozgan.

«Al Jazeera Ibodat tepaligi yonida zo‘ravon holatlariga undashda davom etmoqda. Men huquqni muhofaza qilish idorlariga Al Jazeera’ning Al-Qudsdagi ofisini yopib qo‘yish haqida bir necha bor iltimos bilan murojaat qilganman», - deya yozdi Netanyaxu.

Uning qo‘shimcha qilishicha, agarda bu ro‘y bermasa, telekanalni Isroildan chiqarib yuborishga imkon beruvchi qonunni ishlab chiqadi.

Avvalroq Al Jazeera texnik xato tufayli Saudiya Arabistonida vaqtincha ishlagani xabar qilingandi.