Olmazor tumanida yirik yong‘in ro‘y berdi

27 iyul kuni soat 10:31da Toshkent shahrining Olmazor tumani, Bayroqtol ko‘chasi 102-uy manzilidagi «12-trest» qurilish korxonasi mexanizatsiya boshqarmasi hududida yong‘in sodir bo‘ldi. Bu haqda Toshkent IIBB matbuot xizmati xabar bergan.

«2017 yilning 27 iyul kuni soat 10:31da Toshkent shahar IIBB YoXB Markaziy dispetcherlik xizmatiga, Olmazor tumani, Bayroqtol ko‘chasi, 102-uyda joylashgan «12-sonli Trest» MChJ Xo‘jalik hisobidagi mexanizatsiyalashtirish boshqarmasining Yoqilg‘i moy mahsulotlarini saqlash shoxobchasida yong‘in sodir bo‘layotganligi haqida xabar tushgan. Yong‘inni o‘chirish uchun sakkizta o‘t o‘chirish guruhi jalb qilindi», — deyilgan xabarda.

Yong‘in bartaraf etilgan, jabrlanganlar va qurbon bo‘lganlar yo‘q.

Yong‘in oqibatida 2 ta rezervuarlarda dizel yoqilg‘isi hamda 1 ta konteynerli avtomobillarga yoqilg‘i quyish stansiyasida AI-80 markali benzin yoqilg‘isi yongan. 

Hodisa sabablari o‘rganilmoqda.