Eron Falastin xalqini qo‘llab-quvvatlashni davom ettiradi

Falastin islom harakati (XAMAS) delegatsiyasi Eron tashqi ishlar vaziri Muhammad Javod Zarif bilan uchrashuv o‘tkazdi. Bu haqda XAMAS bayonotida ma'lum qilindi.

Tehronda o‘tgan uchrashuv chog‘ida tomonlar Falastin va Al-Aqso masjidi uchun umumiy dushmanga qarshi kurashda hamkorlik yo‘llarini muhokama qilishgan. 

"Eron Falastin muammosidagi fikrini o‘zgartirmagan. Tehron XAMAS va Falastinning boshqa guruhlari bilan aloqalarni qo‘llab-quvvatlaydi hamda Falastin xalqiga ko‘mak berishda davom etadi", deb aytgan Zarif uchrashuv vaqtida.

Uning aytishicha, Eron Falastin va islom olami birdamligini qo‘llab-quvvatlash uchun barcha kelishmovchiliklarni unutishga tayyor.