2017 yil oxiriga qadar yapon mikro-uylari sotuvga chiqadi

Yaponiyaing Muji brendi 2017 yil oxiriga qadar maydoni atigi 9 kvadrat metrni tashkil qiluvchi ixcham Muji Hut uylarini sotuvga chiqarishni rejalashtirmoqda.

Ishlab chiqaruvchining g‘oyasiga ko‘ra, kichik kabinani turli joylarga o‘rnatish mumkin, zero u doimiy yashash joyi va dam olish uyining uyg‘unlashgan shaklidir.

"Uni tog‘lar, okean qirg‘og‘i yoki bog‘ga joylashtiring va u sizni mutlaqo yangi hayotga chorlab, atrof-muhit bilan uyg‘unlashib ketadi". Muji

Mikro-uylarni qurishda asosiy material sifatida hasharotlar va yong‘inga qarshi qayta ishlangan yapon yog‘ochidan foydalanilgan, uyning bir tomonidagi kichik deraza va boshqa tomonidagi harakatlanuvchi shisha eshiklar tabiiy yoritgichlar vazifasini o‘taydi.

Muji Hut narxi 3 million iyenni tashkil qiladi.