JCh-2018 saralashi. Suriya kurashni davom ettiradi

JCh-2018 saralashi Osiyo mintaqasida guruh o‘yinlari yakunlandi.

A guruhida O‘zbekiston Janubiy Koreya bilan durang o‘ynab, to‘g‘ridan-to‘g‘ri yo‘llanmadan umid uzdi. Bu uchrashuvdan bir necha daqiqa keyin yakunlangan o‘yinda Eron va Suriya terma jamoalari 2:2 hisobidagi durangga kelishishdi va O‘zbekiston uchinchi o‘rindan ham quruq qoldi.

10 tur natijalariga ko‘ra, Eron 22 ochko bilan birinchi, Janubiy Koreya 15 ochko bilan ikkinchi bo‘ldi. Suriya va O‘zbekiston 13tadan ochko to‘pladi, ammo to‘plar nisbati Suriyada yaxshi bo‘lgani tufayli suriyaliklar pley-offda to‘p suradigan bo‘ldi.

Guruhning uchinchi uchrashuvida Xitoy Qatarni mag‘lubiyatga uchratdi 2:1.