«Yangiobod» bozori yangi joyga ko‘chadi

Toshkent shahridagi eski va ishlatilgan buyumlar sotishga ixtisoslashgan «Yangiobod» bozori «Yashnobod» innovatsiya texnoparki hududida joylashadi. Bu haqda Fan va texnologiyalar agentligi saytida ma'lum qilingan.

Vazirlar Mahkamasining 2017 yil 2 sentabrdagi №686-sonli «Toshkent shahrining Yashnobod tumanini kompleks rivojlantirish bo‘yicha chora-tadbirlar to‘g‘risidagi» tegishli qarori qabul qilingan.

Qarorga ko‘ra, Toshkent shahri hokimiyati 2 oy muddat ichida Yangiobod ixtisoslashtirilgan bozorini Bektemir tumaniga ko‘chirish, shu bilan birga bozor maydonining yarmini DUK «Yashnobod innovatsiya texnoparki direksiyasi»ga berish vazifasi topshirilgan. Rasmiy boshqarish huquqi asosida qabul qilinadigan 7,5 gektarlik maydonda mahalliy va xalqaro mutaxassislarning innovatsion, respublikada yangi loyiha bo‘la oladigan ilmiy ishlanmalarining ishlab chiqarilishini yo‘lga qo‘yish maqsadida, texnopark rezidentlariga yer ajratish mo‘ljallanmoqda.