Atlantikada yangi “Li” dovuli vujudga keldi

Atlantika okeanida vujudga kelgan yangi “Li” shtormi uchinchi xavflilik toifasidagi dovulga aylandi.

AQShning dovullarni o‘rganish milliy markazi ma'lumotlariga ko‘ra, ayni vaqtda “Li” ichidagi shamol tezligi soatiga 185 km tezlikka yetgan. U hozir shimoliy-g‘arbiy tomon soatiga 11 km tezlik bilan yo‘nalmoqda.

Atlantika okeanida oxirgi bir necha haftadan beri ketma-ket vayronkor dovullar vujudga kelmoqda. Avvalroq “Xarvi” dovuli AQShning Texas shtatiga katta talofat yetkazgandi. Undan so‘ng “Irma” dovuli Karib haavzasi orollariga, so‘ngra Floridaga yopirilgan. Bunday dovullardan oxirgisi “Mariya” bo‘lib, u ham Amerika qit'asining bir necha davlatlariga o‘z ta'sirini o‘tkazgan.