2018 yilda birinchi arab sun'iy yo‘ldoshi ishga tushiriladi

Birlashgan Arab Amirliklari 2018 yilning yozida mamlakatning o‘zida ishlab chiqarilgan Yerning birinchi sun'iy yo‘ldoshini ishga tushirishni rejalashtirmoqda. Bu haqida BAA Kosmik agentligining bosh direktori Muhammad Nosir Al-Ahbobiy RIA "Novosti"ga ma'lum qilgan.

"Kelgusi yilda Amirlik fotos'yomkalar uchun mamlakatning o‘zida amirlik muhandislari tomonidan ishlab chiqarilgan Khalifa-Sat sun'iy yo‘ldoshini ishga tushiradi. O‘ylashimcha, bu 2018 yilning yoz oylariga to‘g‘ri keladi", - deydi Al-Ahbobiy. 

Uning so‘zlariga ko‘ra, BAA sun'iy yo‘ldoshni ishlab chiqarish uchun boshqa mamlakatlar, shu jumladan Janubiy Koreya bilan hamkorlik qilgan. Ta'kidlash joizki, Amirlik muhandislari ta'lim olish uchun 5 yil muddatga Janubiy Koreyaga jo‘natilgan. Ilk amirlik sun'iy yo‘ldoshi Koreya Respublikasida ishlab chiqarilgan, ikkinchisi esa — DubaiSat — BAA va Koreyada (50/50). 

Al-Ahbobiyning ta'kidlashicha, Amirlikning yana bir aloqa sun'iy yo‘ldoshi - Yahsat'ni 2018 yilning yozida ishga tushirish rejalashtirilgan. Bundan tashqari, uch yil davomida yana olti sun'iy yo‘ldoshi yaratilishi ko‘zlangan.