Duterte YeI delegatsiya a'zolarini haqorat qildi

Filippin prezidenti Rodrigo Duterte YeI vakillarini haqorat qilib, ularni bir kunda mamlakatdan chiqarib yuborishi bilan tahdid qildi. Bu haqda BBC xabar qilmoqda. 

Uning bayonot berishicha, YeI Filippin ichki ishlariga xalaqit bermoqda. Dutertega ko‘ra, «Yevropa Filippinni BMT tarkibidan chiqarib yuborishni rejalashtirmoqda».

Ta'kidlanishicha, g‘arb siyosatchilaridan iborat delegatsiya Dutertening giyohvandlik savdosiga qarshi kurashini tanqid qilgach, prezident ularni haqoratlagan. 

«Biz BMTdan chiqarilamiz? Sen, ... bolasi, olg‘a. Siz bizning ishimizga aralashmoqdasiz, chunki biz qashshoqmiz», — degan u.

Shundan so‘ng u delegatsiya a'zolariga murojaat qilib, «siz mening mamlakatimni 24 soatda tark etasiz, hammangiz», deya ta'kidlagan.

Xabarda yozilishicha, uning nutqining qolgan qismi ham so‘kinish so‘zlaridan iborat bo‘lgan.