Yana 3 shahar Toshkent viloyatiga to‘g‘ridan-to‘g‘ri bo‘ysunadigan bo‘ldi

O‘zbekiston prezidenti Shavkat Mirziyoyev 2017 yil 3 noyabr kuni «Toshkent viloyati tarkibida Toshkent tumani, shuningdek viloyatga bo‘ysunuvchi Yangiyo‘l, Ohangaron va Nurafshon shahar hokimliklarini tashkil etish chora-tadbirlari to‘g‘risida»gi qarorga imzo chekdi.

Qaror matni O‘zbekiston Respublikasi Qonun hujjatlari ma'lumotlari milliy bazasiga joylashtirilgan.

Endilikda, Toshkent viloyati tarkibidagi shaharlar soni 7taga, tumanlar soni esa 15taga yetdi.

«Xalq so‘zi» gazetasi saytida eslatilishicha, bungacha viloyatda 14 tuman (Bo‘stonliq, Bekobod, Bo‘ka, Piskent, Parkent, O‘rta Chirchiq, Yuqori Chirchiq, Quyi Chirchiq, Chinoz, Yangiyo‘l, Oqqo‘rg‘on, Ohangaron, Qibray, Zangiota), 4 shahar (Angren, Bekobod, Olmaliq, Chirchiq) bor edi.