Endi bitkoinlar bankomatlardan sotiladi

Janubiy Koreyaning bankomatlar ishlab chiqarish bilan shug‘ullanuvchi Hyosung kompaniyasi o‘z qurilmalarida bitkoinlar sotib olish imkoniyati paydo bo‘lishi haqida ma'lum qildi.

Ta'kidlanishicha, bu kriptovalyutalar sotish uchun mobil yechimlar ishlab chiquvchi Just.Cash servisi bilan hamkorlik tufayli yuz beradi.

Bu borada rasmiy bayonot berilmadi, biroq Hyosung saytida yangilik haqida ma'lumot paydo bo‘lgan. Kompaniya yangi optsiyaga «mijozlarni kriptovalyutalar dunyosi bilan tanishtirish uchun ajoyib imkoniyat» deb izoh berdi.

Mijoz bitkoinni xarid qilganidan so‘ng qog‘oz chekni oladi, unda matn ko‘rinishida maxfiy va ochiq «kalitlar», shuningdek, skanerdan o‘tkazish uchun QR-kod yozilgan. Kelajakda Just Cash bitkoinlar sotish imkoniyatini qo‘shadi hamda boshqa kriptovalyutalar bilan ishlash imkoniyatini joriy etadi.