Le Pen keyingi prezidentlik saylovlarida g‘alaba qozonish yo‘lini topdi

Fransiyadagi «Milliy front» partiyasi yetakchisi Marin Le Pen partiya nomi o‘zgarishi haqida e'lon qildi. Bu, uning fikricha, prezidentlik saylovlarida g‘alaba qozonishiga yordam beradi. U bu haqda Europe 1 radiostansiyasi efirida aytib o‘tdi, deb xabar qilmoqda RIA «Novosti».

Biroq, Le Pen partiyaning yangi nomini oshkor etmadi. Ammo, uning ta'kidlashicha, partiya yo‘nalishi o‘zgarmaydi.

«Biz hech narsadan voz kechayotganimiz yo‘q – biz tariximizda yangi sahifani ochmoqdamiz», - deya ma'lum qildi Le Pen.

Shuningdek, uning qo‘shimcha qilishicha, «Milliy front»ni Fransiyada keyingi prezidentlik saylovlarida ko‘pchilik ovozni to‘play oladigan siyosiy muxolifatga aylantirmoqchi.