Qashqadaryoda 106 mln so‘mlik kranni o‘g‘irlab ketishdi

Qashqadaryo viloyatining Muborak tumanida jinoyat yuz berdi, deb xabar qilmoqda O‘zbekiston Respublikasi IIV Jamoatchilik va ommaviy axborot vositalari bilan aloqalar boshqarmasi.

Qayd etilishicha, 2018 yil 26 fevralda “Xivaneftgazqurilish” UK uchastka boshlig‘i, V.V. IIBga murojaat qilib, shu yil fevral oyi boshlarida noma'lum shaxs shu UKga tegishli Muborak gazni qayta ishlash zavodi oldida qarovsiz qoldirilgan umumiy qiymati 106 241 585 so‘m bo‘lgan “Kamatsu D-355S” rusumli, quvur ko‘taruvchi kranini o‘g‘irlab ketganligini ma'lum qilgan.

Ko‘rilgan choralar natijasida ushbu jinoyatni Muborak tumani Do‘stlik mahallasida yashovchi, 1971 yilda tug‘ilgan S.Ya. sodir etganligi aniqlanib, qo‘lga olingan.