Bo‘kada o‘zaro janjal o‘q uzish bilan yakun topdi

Toshkent viloyatining Bo‘ka tumanida jinoyat sodir bo‘ldi, deb xabar qilmoqda O‘zbekiston Respublikasi IIV Jamoatchilik va ommaviy axborot vositalari bilan aloqalar boshqarmasi.

Qayd etilishicha, 19 mart kuni soat 18.35larda Mirzabek mahallasi raqamsiz uyda yashovchi, 1952 yilda tug‘ilgan A.A. uyi oldidan oqib o‘tuvchi “Katta ariq” kanali yonida, 1988 yilda tug‘ilgan H.K. bilan o‘zaro janjallashib, uyidan IIBda ro‘yxatda bo‘lmagan “Belka” rusumli ov miltig‘ini olib chiqib, H.K.ga qarata ushbu ov miltig‘idan 1 marotaba o‘q uzib voqea joyidan yashiringan.

Natijada otilgan o‘q H.K.ning bosh qismiga tegib, u jarohat olib kasalxonaga yotqizilgan.