O‘zbekiston milliy terma jamoasi Marokashga yetib bordi

O‘zbekiston milliy terma jamoasi Turkiyaning Istanbul shahrida o‘tkazilgan mashg‘ulotlardan keyin Afrika shimoliga yo‘l oldi.

Bugun milliy terma jamoa a'zolari Istanbul – Kasablanka yo‘nalishi bo‘ylab Marokashga yetib bordi. Uzoq muddatli parvozni amalga oshirgan futbolchilar Kasablanka shahridagi “Farah Casablanca” mehmonxonasiga joylashishdi.

Ertadan terma jamoamiz a'zolari Marokashdagi ilk mashg‘ulotlarga kirishishadi.

Eslatib o‘tamiz, O‘zbekiston MTJ 23 mart kuni Senegalga qarshi, 27 mart kuni esa Marokashga qarshi bahs olib boradi.