Ukrainada yangi turdagi qo‘shinlar tashkil etiladi

Ukraina Mudofaa vazirligidan aytishlaricha, qo‘shinlarning alohida – tibbiy turdagisi tashkil etilishi mumkin. Bu haqda «Ukrainskaya pravda» Ukraina Qurolli kuchlari tibbiy xizmati boshlig‘i, Bosh harbiy-tibbiy boshqarma boshlig‘i, tibbiy xizmat polkovnigi Igor Xomenkoga asosan xabar bermoqda.

Uning so‘zlariga ko‘ra, bunday turdagi qo‘shinlarni shakllantirishda Bundesver tizimidan namuna olinadi.

«Ukraina tizimi nemislardan 100 foizga ko‘chirib olinmaydi, biroq uning asosiy prinsiplaridan foydalaniladi: tibbiy ta'minot boshqaruvining yagona organi, yagona bo‘ysunuv vertikali, tibbiyot xodimlari tibbiy ta'minot uchun javob beradi, ulardan o‘zlariga xos bo‘lmagan funksiyalar olib tashlanadi», - deya aniqlik kiritdi Xomenko.

Ta'kidlanishicha, tegishli islohot 2021 yilgacha amalga oshiriladi, bunday turdagi qo‘shinlarga esa taxminan 25 ming harbiy xizmatchi kiradi.