Buffonning orzusi o‘g‘irlandi. Maykl Oliver o‘zi kim?

Rossiyaning «Chempionat» nashri Chempionlar Ligasi chorakfinalidan o‘rin olgan «Real» - «Yuventus» (1:3) o‘yinida ishlagan ingliz hakami Maykl Oliver haqida bir qancha ma'lumotlarni to‘plashga muvaffaq bo‘ldi.

Konte va Mourinoni urishtirib qo‘ygan

Aynan Oliverning bahsli qarori «Chelsi» bosh murabbiyi Antonio Konte g‘azabini qo‘zg‘adi va u Mourinoga tashlanib, uni o‘ldirib qo‘yishiga sal qoldi. Yaxshiyamki hammasi tortishuv bilan tugadi. Oliver ularning oldiga kelib, tushuntirish ishlarini o‘tkazganidan so‘ng, ikkalasi ham tinchlanishdi. Ammo, keyinchalik o‘rtadagi nizo kuchayib, matbuotda keng yoritilgan edi.

Bir metrdan darvozani nishonga ololmadi

Ko‘plab hakamlar kabi, Maykl ham bo‘sh vaqtlarida futbol o‘ynab turadi. Havaskor jamoalar o‘yinidan birida u bir metr masofadan darvozaga gol urolmagan.

Zlatanni qo‘rqitib yubordi

Ibrahimovichni qo‘rqitish osonmas. Ammo Oliver sprey ballonchasini shu qadar qattiq siltadiki, hatto Zlatan ham unga barmog‘i bilan po‘pisa qilib, ehtiyot bo‘lishga chaqirdi.

Ayollar jamoalari o‘yinida hakamlik qilgan

Bir kuni referi ayollar jamoasi o‘yiniga tashrif buyurdi. Uni xotini boshqarishi lozim edi. Tanaffusda hakamlardan biri o‘zini yomon his qila boshladi. Natijada, Oliver turmush o‘rtog‘iga yordam berishga majbur bo‘ldi. 

Jo Hart bilan kalla urishtirgan

Oliver – juda jiddiy yigit. U bir qarashda Hartning ishtiyoqini so‘ndirib, tinchlantira olgan. 

Mushuk tufayli o‘yinni to‘xtatdi

Chempionlar Ligasi nimchorakfinalidan o‘rin olgan «Beshiktosh» - «Bavariya» o‘yinida maydonga mushuk yugurib chiqqan edi. Oliver jonivorning xavfsizligi uchun qayg‘urib, o‘yinni to‘xtatib turishga qaror qildi.

Mourino maqtoviga sazovor bo‘ldi

«Ander Errerani maydondan chetlatgan Maykl Oliverga minnatdorchilik bildiraman. Agar Angliya Kubogida keyingi bosqichga chiqsak, u holda hayotimiz yanada og‘irlashgan bo‘lardi». Joze o‘z futbolchisining maydondan chetlatilishini shunday izohladi.

Di Mariyaga bir daqiqada ikkita kartochka ko‘rsatdi

2015 yilda argentinalik futbolchi «MYu» tarkibida, Angliya Kubogi chorakfinalida «Arsenal»ga qarshi o‘ynadi. Oliver dastlab simulyatsiya ishlatgani uchun Axelni ogohlantirdi, u bilan tortishishni bas qilmagach, darhol maydondan chetlatdi. Oliver mana shunday hakam.

Jahon chempionatidan chetda qoldi 

Faqat Oliver emas, so‘nggi 80 yilda ilk marotaba jahon chempionatida birorta ingliz hakami ishlamaydigan bo‘ldi. Afsuski, Buffon ham mundialga kelmaydi...