Ukrainada 7 yoshli bola eng yosh millionerga aylandi

Ukraina Davlat fiskal xizmati rahbari vazifasini bajaruvchi Miroslav Prodanning ma'lum qilishicha, Ukrainada o‘tgan yilda grivnadagi millionerlar soni 16 foizga oshdi. Bu haqda RIA «Novosti» xabar bermoqda.

«2017 yilda 1 mln grivna (38 ming dollar)dan ortiq miqdordagi daromadni 4063 to‘lovchi deklaratsiyadan o‘tkazdi. Avvalgi ko‘rsatkich bilan taqqoslaganda hozirgi millionerlar soni 16 foizga yoki 559 kishiga ortdi», - dedi Prodan.

Uning ta'kidlashicha, 1 mln grivnadan ortiq daromadini deklaratsiyadan o‘tkazgan eng yosh soliq to‘lovchi 7 yoshda, eng yoshi kattasi – 99 yoshda.

Prodanning qo‘shimcha qilishicha, faqatgina bir fuqaro 1 mlrd grivna (38 mln dollar)dan ko‘proq miqdordagi daromadni deklaratsiyadan o‘tkazgan.

Eslatib o‘tamiz, avvalroq Ukrainada JCh-2018 translyatsiyasi o‘lim bilan tenglashtirilgandi.