Klinton Eron bo‘yicha qarorni tanqid ostiga oldi

Foto: AP /Patrick Semansky
AQSh sobiq davlat kotibi va Qo‘shma Shtatlar prezidenti Donald Trampning 2016 yilgi saylovlarda asosiy raqibi bo‘lgan Hillari Klinton AQShning Eron bilan yadroviy bitimdan chiqishini katta xato, deb atadi. Bu haqda u tvitterdagi sahifasida yozgan.
«Eron bilan yadroviy bitimdan chiqish katta xato. Bu Amerikaga xavf uyg‘otadi va davlatni ishonchsizroq qiladi. Eron endi ancha xavfli. «B» reja qanday? Bombardimon qilish javobga aylanishi mumkinligi haqida o‘ylayotgan har bir kishi yolg‘on axborotga ega», - deya yozgan Klinton.
Uning ta'kidlashicha, Eronga qarshi yangi sanksiyalarning joriy etilishi yadro bitimini imzolashdan ko‘ra qiyinroq vazifa bo‘ladi.
«Shuningdek, ballistik raketalar va terrorizm kabi boshqa turdagi tahdidlar bilan ish ko‘rish qiyinlashadi. Endi bizda bosim dastaklari yo‘q. Eron nima xohlayotgan bo‘lsa, shuni qilishi mumkin», - deya qo‘shimcha qilib o‘tdi Klinton.
Eslatib o‘tamiz, avvalroq Saudiya Arabistoni Trampning qarorini qo‘llab-quvvatlagandi.
Mavzuga oid

00:11 / 11.04.2025
Stiv Uitkoff Eronning yuqori martabali vakillari bilan to‘g‘ridan-to‘g‘ri muzokaralar o‘tkazadi

09:49 / 10.04.2025
Tramp: Isroil Eronga qo‘shma zarba berishda yetakchi bo‘ladi

08:15 / 09.04.2025
Eron va AQSh yadroviy dastur bo‘yicha muzokaralar boshlashga kelishib oldi

17:55 / 08.04.2025