Farg‘onada hovlisida ko‘knor yetishtirgan shaxsning uyidan 1 kilogramm ko‘knor topildi

21 may kuni Farg‘ona viloyatining Qo‘shtepa tumanida jinoyat fosh etildi, deb xabar qilmoqda O‘zbekiston Respublikasi IIV Jamoatchilik va ommaviy axborot vositalari bilan aloqalar boshqarmasi.

Qayd etilishicha, viloyat IIB xodimlari tomonidan o‘tkazilayotgan “Qoradori-2018” tadbiri davomida, Zamondosh ko‘chasida yashovchi M.P.ning uyi tomorqasida “ko‘knor” giyohvandlik o‘simligini yetishtirayotganligi aniqlanib, hovlisida berkitilgan 1 kg. 296 gr. “ko‘knor” giyohvandlik moddasi topilib, daliliy ashyo sifatida olingan.