Rossiya kubogida g‘alaba qozongan «Tosno» faoliyatini yakunladi

Rossiyaning «Tosno» klubi o‘z faoliyatini yakunladi va tugatildi. 

Bu haqda FortGroup kompaniyasi rahbari Maksim Levchenko xabar berdi.

«Afsuski, «Tosno» klubining qisqa va yorqin tarixi yakuniga yetmoqda. 5 yil oldin bu loyihani boshlaganimizda, tadbirkorlarning hamkorligi va hukumat vakillarining qiziqishidan umidvor edik. Endi esa klub xarajatlarini FortGroup kompaniyasi ko‘tarolmay qoldi. «Tosno» qisqa vaqt ichida Premer-ligaga chiqdi va Rossiya kubogini qo‘lga kiritdi. Endi u tugatiladi», – deb yozdi u feysbuk sahifasida.

Endi «Tosno» barcha xodimlari va futbolchilari bilan yakuniy hisob-kitob ishlarini amalga oshiradi. Eslatib o‘tamiz, klub sharafini o‘zbekistonlik futbolchi Vagiz Galiulin ham himoya qilgan edi.