Zangiotada yashovchi fuqaroning uyidan 140 ming dollarni o‘g‘irlab ketishdi

Toshkent viloyatining Zangiota tumanida jinoyat yuz berdi, deb xabar qilmoqda O‘zbekiston Respublikasi IIV Jamoatchilik va ommaviy axborot vositalari bilan aloqalar boshqarmasi.

Qayd etilishicha, shu yil 28 iyul kuni noma'lum shaxs “Ilg‘or” MFYda yashovchi M.L.ning uyiga deraza panjarasini buzish yo‘li bilan kirib, yotoqxonasidan 140 ming AQSh dollari va sariq metalldan yasalgan ayollar qo‘l soatini o‘g‘irlab ketgan.

Ko‘rilgan choralar natijasida ushbu jinoyatni Zangiota tumanida yashovchi muqaddam sudlangan Sh.H. sodir etganligi aniqlanib ushlangan.