Muz ustida figurali uchish bo‘yicha barcha rekordlar yangidan qayd qilinadi

Xalqaro konki uchuvchilar ittifoqi (ISU) ayni vaqtgacha muz ustida figurali uchish bo‘yicha o‘rnatilgan barcha rekordlar “nollashtirilib”, yangidan qayd qilinishini e'lon qildi.    

Tashkilot saytida tushuntirilishicha, endilikda bu rekordlar “tarixiy” rekordlar toifasiga kiritiladi. Bu 2018/2019 yillardagi yangi mavsumdan sportchilar chiqishlarini baholashning yangi shkalasi kiritilayotgani bilan bog‘langan. Endi sportchilar bajaradigan har bir element sofligi -5 dan +5 ballgacha shkala bo‘yicha baholanadi. Avval bu shkala -3 dan +3 gachani tashkil qilgan.

Shu sababli, yangi mavsum boshida talaygina yangi rekordlar o‘rnatilishi kutilmoqda.