Qirg‘izistonda Erdo‘g‘an rafiqasining tirbandlikka tushishiga aybdorlar jazolanadi   

Turkiya prezidenti Rajab Toyyib Erdo‘g‘anning Qirg‘izistonga tashrifi vaqtida uning rafiqasi Omina Erdo‘g‘an kortejining yo‘lda tirbandlikda qolib ketishida aybdor deb topilgan qirg‘izistonlik mansabdor shaxslar jazolanadi. Ularga nisbatan ichki ishlar idoralaridan bo‘shatishgacha jazo qo‘llanishi mumkin. Bu haqda Qirg‘iziston Xavfsizlik kengashi kotibi Damir Sag‘inbayev ma'lum qildi. 

Uning aytishicha, hozirda ushbu holat yuzasidan tekshiruv o‘tkazilmoqda.

Qirg‘iziston prezidenti rafiqasi Aygul Tokoyeva va Omina Erdo‘g‘an 3 sentabrda Qirchin darasidagi etnoshaharchada bo‘lishgach, Bishkekka qaytayotganlarida Erdo‘g‘an xonimning korteji bir soatga yaqin tirbandlikda qolib ketgan.